Yfirmaður Alþjóðakjarnorkumálastofnunarinnar, IAEA, sagði í dag að Íranar ættu að endurskoða ákvörðun sína um að taka upp auðgun úrans að nýju. Hver svo sem framvindan yrði sagðist Mohamed ElBaradei ekki hafa trú á því að Evrópuríki hættu viðræðum við Íran.

ElBaradei var með ummælum sínum að bregðast við þeirri yfirlýsingu íranskra yfirvalda að þau hygðust falla frá gefnum loforðum í febrúar sem þau settu fram í fundi með fulltrúum Bretlands, Frakklands og Þýskalands. Íranar hétu því þá að hætta þróun skilvinda sem notaðar eru til að auðga úran en unnt er að nota efnið í kjarnorkuvopn.

Tengdar fréttir

Íranar krafðir skýringa á kjarnorkuáætlun

Bush vill skýr svör frá Írönum

• „Mikill sigur fyrir Írana"
• Indverjar banna sölu á kjarnorkutengdum varningi til Írans
• Samþykkt að endurskoða samstarf við kjarnorkueftirlitsnefnd SÞ
• Plúton og leifar af auðguðu úrani í Íran

» Fleiri tengdar fréttir

• Blogga um frétt