Áramótin fara að þessu sinni fram í skugga hamfara sem urðu í Suður-Asíu á annan dag jóla, en þær hafa kostað meira en 125.000 manns lífið í allnokkrum ríkjum. Í þeim hlutum Asíu sem verst urðu úti eru víða haldnar bænavökur og fólk sem lifði hamfarirnar af leitar í örvæningu að mat og hreinu drykkjarvatni. Í öðrum löndum á svæðinu sem ekki urðu fyrir tjóni, sem og annars staðar í heiminum fara hátíðahöld þó fram nokkurn veginn eins og gert hafði verið ráð fyrir.
Í Sydney í Ástralíu, sem var ein fyrstu borga í heiminum til þess að fagna árinu 2005 sótti um ein milljón manna flugeldasýningu við höfnina.
Þjóðarleiðtogar víða um heim hafa ákveðið að auka viðbúnað vegna hamfaranna.