Jacques Chirac, forseti Frakklands, mun á morgun tilkynna í sjónvarpsávarpi hverjir verða ráðherrar í nýrri ríkisstjórn landsins, að því er embætti hans greindi frá í dag.

Talið er að Jean-Pierre Raffarin forsætisráðherra verði látinn víkja nú eftir að Frakkar höfnuðu nýrri stjórnarskrá Evrópusambandsins, ESB, í þjóðaratkvæðagreiðslu í gær.

Flestir veðja á að Dominique de Villepin innanríkisráðherra verði forsætisráðherra en Michele Alliot-Marie varnarmálaráðherra og Nicolas Sarkozy, leiðtogi stjórnarflokksins Lýðfylkingarinnar, UMP, hafa einnig verið nefnd sem hugsanlegir eftirmenn Raffarin.

Tengdar fréttir

Frakkar fella stjórnarskrá ESB

Spænska stjórnin vill halda staðfestingarferli stjórnarskrár ESB áfram

• Meirihluti Dana nú andvígur stjórnarskrá ESB
• Schröder hvetur ESB-ríki til þess að halda staðfestingarferli stjórnarskrár áfram
• „Hættulegt“ og „heimskulegt“ að leiða úrslitin í Frakklandi og Hollandi hjá sér
• Höfnun Hollendinga og Frakka á stjórnarskrá ESB vekur „áleitnar spurningar“

» Fleiri tengdar fréttir

• Blogga um frétt