Tveimur konum var í dag bjargað úr rústum byggingar í Islamabad, 80 klukkustundum eftir að húsið hrundi í jarðskjálfta. Tala látinna af völdum jarðskjálftans, sem reið yfir á laugardagsmorgun, er nú komin í 33 þúsund og er óttast að hún muni enn hækka verulega.

Breskir björgunarsveitarmenn höfðu unnið í 10 klukkustundir við að losa 45 ára gamla konu og aldraða móður hennar úr húsarústunum eftir að þeir heyrðu óm af mannamáli í rústunum.

Í gær tókst að bjarga tveimur börnum úr rústum sömu byggingar.

Tengdar fréttir

Jarðskjálftar í Pakistan, Indlandi og Afganistan

Mannskæður eftirskjálfti í Pakistan

• Hjálparsamtök unnu kapphlaupið við veturinn í Pakistan
• Þyrla með 7 hjálparstarfsmenn innanborðs horfin
• Um 55 milljónir hafa safnast
• ESB eykur framlög til jarðskjálftasvæðanna í Asíu

» Fleiri tengdar fréttir

• Blogga um frétt