Mannréttindafrömuðurinn Rosa Parks lést 92 ára að aldri

Mannréttindafrömuðurinn Rosa Parks lést 92 ára að aldri. Parks var einna þekktust fyrir það að neita að gefa eftir sæti sitt í strætisvagni fyrir hvítan mann í Alabama í Bandaríkjunum árið 1955. Í kjölfarið hættu blökkumenn í Bandaríkjunum að nota strætisvagna í mótmælaskyni. Rekja má atburðinn til upphafs þess að hreyfing um borgaraleg réttindi manna var sett á laggirnar.

Mótmælin sem fylgdu í kjölfar andstöðu Parks marka þáttaskil og upphaf afnáms kynþáttaaðskilnaðar í Bandaríkjunum sem náði hámarki árið 1964 þegar lög um borgaraleg réttindi manna voru sett að því er segir á fréttavef BBC.

• Blogga um frétt