Talsmenn Neyðarhjálpar Sameinuðu þjóðanna greindu frá því í morgun, að tekist hefði að koma í veg fyrir hamfarir vegna vetrarkulda í norðanverðu Pakistan í kjölfar jarðskjálftans þar þann 8. október síðastliðinn.

Jamie McGoldrick, talsmaður stofnunarinnar, sagði í morgun, að mestu vetrarkuldarnir í landinu væru nú um garð gengnir og tekist hefði að koma í veg fyrir hrinu dauðsfalla af völdum kulda og vosbúðar. Þá sagði hann heldur ekki hafa komið til fólksflótta úr fjallahéruðunum, enda hafi hvorki vannæring né farsóttir herjað á íbúa þeirra eins og óttast var.

„Við virðumst hafa unnið kapphlaupið við veturinn,” sagði hann, en um 80.000 manns létu lífið í jarðskjálftanum í október.

Tengdar fréttir

Jarðskjálftar í Pakistan, Indlandi og Afganistan

Mannskæður eftirskjálfti í Pakistan

• Þyrla með 7 hjálparstarfsmenn innanborðs horfin
• Um 55 milljónir hafa safnast
• ESB eykur framlög til jarðskjálftasvæðanna í Asíu
• Kona fannst á lífi í húsarústum 2 mánuðum eftir jarðskjálftann í Pakistan

» Fleiri tengdar fréttir

• Blogga um frétt