Forseti Frakklands, Jacques Chirac, átti fund með íranskri sendinefnd á vegum Mahmoud Ahmadinejad, forseta Írans, í gærkvöldi í París. Ekkert hefur verið gefið upp um hvað var rætt á fundinum. Einungis að mikilvæg málefni tengd Miðausturlöndum hafi verið rædd.

Chirac hefur ítrekað við Javier Solana, yfirmann utanríkismála hjá Evrópusambandinu, stuðning Frakka við að þrýst sé á að Íranar hætti öllum kjarnorkutilraunum.

Solana mun hitta Ali Larijani, helsta samningamann Írana í deilu um kjarnorkutilraunir landsins, á morgun. Ekki hefur verið gefið upp hvar fundurinn verður haldinn en París hefur verið nefnd sem mögulegur fundarstaður.

Tengdar fréttir

Íranar krafðir skýringa á kjarnorkuáætlun

Bush vill skýr svör frá Írönum

• „Mikill sigur fyrir Írana"
• Indverjar banna sölu á kjarnorkutengdum varningi til Írans
• Samþykkt að endurskoða samstarf við kjarnorkueftirlitsnefnd SÞ
• Plúton og leifar af auðguðu úrani í Íran

» Fleiri tengdar fréttir

• Blogga um frétt