Göran Persson, forsætisráðherra Svíþjóðar, lýsti því yfir í kvöld, að hann ætlaði að láta kalla saman aukaþing Jafnaðarmannaflokksins í mars á næsta ári til að velja nýjan leiðtoga flokksins. Persson viðurkenndi að jafnaðarmenn hefðu tapað þingkosningunum í dag en sagði að flokkurinn væri ekki sigraður og myndi snúa til baka, sterkari en áður.

Persson ávarpaði kosningavöku Jafnaðarmannaflokksins í kvöld þegar ljóst var orðið, að ríkisstjórnarflokkarnir þrír hefðu orðið undir í þingkosningunum. Sagði hann m.a. að jafnaðarmenn myndu aldrei þola kerfisbreytingar hægriflokkanna.

Persson hefur verið leiðtogi Jafnaðarmannaflokksins í Svíþjóð og forsætisráðherra frá árinu 1996 en hann tók þá við af Ingvar Carlsson.

Tengdar fréttir

Þingkosningar í Svíþjóð

Nýir ráðherrar kynntir í Svíþjóð

• Reinfeldt reynir að snúa vörn í sókn
• Fleiri sænskir ráðherrar í vandræðum
• Annar ráðherra segir af sér í Svíþjóð
• Bloggari varð sænskum ráðherra að falli

» Fleiri tengdar fréttir

• Blogga um frétt