Jalal Talibani, forseti Íraks, sagði í ávarpi sínu við allsherjarþing Sameinuðu þjóðanna í dag að ekkert verði ákveðið um það hvenær herlið Bandaríkjamanna og annarra bandamanna fari frá Írak fyrr en íraski herinn sé sjálfur fær um að halda uppi öryggi og binda enda á hryðjuverk.

Sagði forsetinn í ræðu sinni að hryðjuverkahópar drepi ekki aðeins saklaust fólk, og skapi ringulreið, heldur miði að því að koma í veg fyrir viðleitni til að endurbyggja landið.

Þá sagði Talibani nokkurn árangur hafa náðst í uppbyggingu íraska hersins, en að bandarískt herlið væri í landinu að beiðni stjórnvalda. Sagði hann veru erlends herliðs í landinu nauðsynlega meðan verið væri að byggja upp lið sem gæti bundið enda á hryðjuverk og skapað stöðugleika og öryggi í Írak. Þá fyrst þegar það væri fengið væri hægt að ræða um brottför fjölþjóðlega liðsins í Írak.

Tengdar fréttir

Spenna í Miðausturlöndum

Haniyeh: „Sjálfstætt ríki Palestínu á svæðunum sem hernumin voru 1967"

• Aðgerðirnar í Nablus halda áfram
• Fjórir látnir eftir árás Ísraelshers á Ramallah
• Loka landamærum til að koma í veg fyrir peningaflutning inn á Gaza
• Siniora segir Hizbollah undirbúa valdarán

» Fleiri tengdar fréttir

• Blogga um frétt