„Efnavopna-Ali" fyrir rétti í dag
Setja bókamerki
Frændi Saddams Husseins, Ali Hassan al-Majid, sem yfirleitt gengur undir nafninu „efnavopna-Ali" tók í dag við sæti Saddams í réttarhöldunum í dag. Játaði al-Majid að hafa fyrirskipað að þúsundir Kúrda skyldu reknir út af heimilum sínum. Hann á yfir höfði sér dauðarefsingu verði hann fundinn sekur um að hafa látið taka af lífi 182 þúsundir Kúrda á níunda áratugnum í svokallaðri Anfal-aðgerð.
Sagði al-Majid að hann beri einn ábyrgð á því að fólkið var rekið út af heimilum sínum. Hann neitaði því hins vegar að bera ábyrgð á dauða fólksins.
Alls er réttað yfir sex samverkamönnum Saddams nú en þeir eru sakaðir um stríðsglæpi og glæpi gegn mannkyni vegna Anfal-aðgerðanna. Allir sakborningarnir eiga yfir höfði sér dauðadóm verði þeir fundnir sekir.
Samfylking og Viðreisn gáfu loforð
„Tímabil aukinnar eldvirkni“
Var engin kristnitaka árið 1000?
„Mér finnst gamla Samfylkingin komin aftur“
Beint: Ný ríkisstjórn tekin við völdum
Þetta eru ráðherrar ríkisstjórnarinnar
Funda með þingflokkum
Víkingar komnir yfir 800 milljónir í greiðslur
