Sænska sendiráðið í Pakistan hefur harmað opinberlega, að sænskt blað skuli hafa birt nýja skopmynd af Múhameð spámanni en bæði írönsk og pakistönsk stjórnvöld hafa mótmælt myndinni formlega. Á myndinni er höfuð spámannsins á hundabúk.

Sænsk stjórnvöld sögðu í gær að þau hörmuðu ef einhverjum hefði verið misboðið vegna myndarinnar en sögðust ekki geta beðist afsökunar á myndinni þar sem þau bæru ekki ábyrgð á henni.

Blaðið Nerikes Allehanda birti myndina umdeildu sl. sunnudag. Listamaðurinn, Lars Vilks, sagði í viðtölum, að um væri að ræða listsköpun en ekki árás á íslamstrú.

Tengdar fréttir

Deilur vegna skopteikninga af Múhameð spámanni

Rose rýfur þögnina

• Aukin hætta í Danmörku
• Dæmdir fyrir að birta skopmyndir af Múhameð spámanni
• Ritstjórar Jyllands-Posten sýknaðir í máli vegna Múhameðsteikninga
• Harðlínumúslimar mótmæla við sendiráð Dana í Indónesíu

» Fleiri tengdar fréttir

• Blogga um frétt