Gefin hefur verið út handtökuskipun á hendur Anne Darwin, eiginkonu John Darwin, mannsins sem birtist óvænt á lögreglustöð eftir að hafa verið talinn látinn í fimm ár. Anne er sögð vera á leið til Bretlands og verður hún handtekin jafnskjótt og hún stígur fæti á breska grundu.

John Darwin var talinn hafa látist í kanó-slysi árið 2002, en nú þykir víst að hann hafi ásamt konu sinni sviðsett dauðdaga sinn og innheimt tryggingaféð.
Synir hjónanna segjast ekki hafa vitað að faðir þeirra var á lífi og vilja sem minnst vita af foreldrum sínum. Þeir segjast æfareiðir yfir því að hafa verið gerðir að fórnarlömbum í tryggingasvikamáli.

Tengdar fréttir

Darwin

John Darwin í gæsluvarðhald

• Anne Darwin handtekin
• Ákærður fyrir tryggingasvik
• Bjó í fylgsni á heimilinu
• Eiginkonan vissi að maður hennar var á lífi

» Fleiri tengdar fréttir

• Blogga um frétt