Leiðtogi pakistanska Þjóðarflokksins, Asif Ali Zardari, ekkill Benazir Bhutto, og Asfandyar Wali Khan, leiðgtogi lítils flokks Pastúna, hafa lýst því yfir að þeir eru reiðubúnir til viðræðna um myndun ríkisstjórnar í Pakistan.  Í þingkosningum á mánudag galt flokkur Pervez Musharraf, forseta Pakistans, mikið afhroð.

Þjóðarflokkurinn vann mikinn sigur í kosningunum ásamt Múslimabandalagi Pakistans, en formaður flokksins er Nawaz Sharif, fyrrum forsætisráðherra landsins. Hann hefur lýst yfir áhuga á stjórnarviðræðum við Þjóðarflokkinn.

Musharraf hefur verið við völd síðastliðin átta ár og var mikilvægur bandamaður Bandaríkjanna í „stríðinu gegn hryðjuverkum“. Hann hefur lýst því yfir að hann muni ekki stíga úr sæti forseta landsins en hann var endurkjörinn forseti til fimm ára seint á síðasta ári.

Tengdar fréttir

Bhutto

Bhutto á pening

• Lífstíðarfangelsi í stað dauðarefsingar
• Sorgartímabili lýkur í Pakistan
• Skotið á fólk á kosningafundi í Pakistan
• CIA telur að al-Qaeda beri ábyrgð á morðinu á Bhutto

» Fleiri tengdar fréttir

• Blogga um frétt