Forsætisráðherra Pakistans segir að þingið hafi verið skotmark sprengjuárásarinnar á Marriott hótelið í Islamabad í gær.
Talið er að meira en fimmtíu manns hafi látist, þar á meðal tékkneski sendiherrann, Ivo Zdarek. Fjórir danskir sendiráðstarfsmenn voru í hótelinu þegar árásin var gerð og er eins saknað.
Enginn hefur lýst yfir ábyrgð á sprengingunni sem er hin mesta frá því að Pakistan slóst í lið með Bandaríkjamönnum í baráttunni gegn hryðjuverkum árið 2001. Innanríksráðherra landsins segist halda að Talibanar hafi staðið fyrir henni.