Bhutto á pening
Setja bókamerki
Í Pakistan verður gefin út ný 10 rúpía mynt með mynd af Benazir Bhutto í tilefni árs ártíðar hennar. Hún lést í sjálfsmorðsárás fyrir réttu ári.
Ríkisbanki Pakistan ætlar að gefa út 300.000 minningarmyntir með mynd af Bhutto ásamt orðunum „Dóttir austursins - háttvirt Benazir Bhutto“ á úrdú.
Bhutto var myrt í sjálfsmorðsárás í borginni Rawalpindi 27. desember í fyrra einungis tveimur mánuðum eftir að hún komst lífs af úr annarri árás. Ríkisstjórnin hefur einnig gefið alþjóðaflugvellinum í Islamabad nafn hennar og jafnframt aðalvegi og sjúkrahúsi í Rawalpindi.
Asif Ali Zardari, eiginmaður hennar, tók við embætti forseta Pakistan í september af Pervez Musharraf sem lét af embætti eftir að pakistanska þingið hótaði honum ákæru fyrir að hafa breytt gegn stjórnarskránni.
Zardari tók við formennsku í flokk Bhutto, Þjóðarflokknum, en sá flokkur sópaði til sín fylgi í kosningum sem fram fóru í febrúar. Þeim hafði áður verið frestað vegna morðsins á Bhutto.
Þetta eru ráðherrar ríkisstjórnarinnar
Skattamál verði líklega „þeirra mesta klemma“
„Tímabil aukinnar eldvirkni“
Ný ríkisstjórn kynnt á morgun
„Þetta er ríkisstjórn almannahagsmuna“
Ók á hóp fólks á jólamarkaði: Einn látinn
Barn lést í árásinni
