Ísraelar undirbúa hernað

Herskáir Palestínumenn hafa skotið 22 flugskeytum yfir landamærin til Ísraels í nótt og í morgun og er Ísraelsher nú að undirbúa hernaðaraðgerðir gegn herskáum Palestínumönnum á Gasasvæðinu. Vika er frá því Hamas samtökin á svæðinu lýstu því yfir að sex mánaða vopnhlé þeirra og Ísraela væri útrunnið. Þetta kemur fram á fréttavef Ha’aretz. 

Samkvæmt heimildum Ha’aretz mun Ísraelsher ráðast í takmarkaðar hernaðaraðgerðir á Gasasvæðinu á næstu dögum en umfangsmeiri aðgerðir munu einnig vera í undirbúningi. Hefur ísraelska þingið vegar veitt hernum heimild til nokkurra daga aðgerða sem hafa ákveðinn skilgreindan tilgang.  

Ísraelar opnuðu landamæri Gasasvæðisins í morgun fyrir flutninga nauðsynja á vegum hjálpastofnana og stendur til að níutíu vörubílar með lyf, eldsneyti og aðrar nauðsynjar fari yfir landamærin. Þá verða hjálpargögn sem eiginkona Hosni Mubarak, forseta Egyptalands, hefur fært Palestínumönnum, flutt yfir landamærin.

• 3 blogg um fréttina

Bloggað um fréttina

• Frikkinn: Gott að taka eftir kennaranum.
• Jónatan Karlsson: Bláeygir bjánar allra landa sameinist.
• Guðjón Heiðar Valgarðsson: ógeðslegu zíonista fasistafífl