Japanar vilja handtaka Watson
Setja bókamerki
Japönsk stjórnvöld vilja að gefin verði út alþjóðleg handtökuskipun á hendur Paul Watson, leiðtoga náttúruverndarsamtakanna Sea Shepherd. Samtökin hafa undanfarin ár reynt að trufla hrefnuveiðar Japana í Suðurhöfum og beitt til þess ýmsum aðferðum.
Japanska strandgæslan hefur gefið út handtökuskipun á hendur Watson fyrir að skipa félögum í Sea Shepherd að trufla hvalveiðarnar. Munu japönsk stjórnvöld óska eftir því við alþjóðalögregluna Interpol að hún aðstoði við að handtaka Watson.
Í byrjun ársins lenti japanskt hvalveiðiskip í árekstri við hraðbátinn Ady Gil, sem Sea Shepherd ætlaði að nota til að hindra hvalveiðar. Hraðbáturinn sökk en engan sakaði. Skipstjóri bátsins, Nýsjálendingurinn Peter Bethune, laumaðist nokkrum vikum síðar um borð í hvalveiðiskip í skjóli nætur og ætlaði að framkvæma borgaralega handtöku og leggja fram 3 milljóna dala reikning vegna tjónsins á Ady Gil.
Þess í stað var Bethune hnepptur í varðhald um borð í hvalveiðiskipinu og síðan handtekinn þegar skipið kom í höfn í Japan í mars.
Útsendarar Sea Shepherd sökktu tveimur hvalveiðiskipum í
Reykjavíkurhöfn árið 1986. Paul Watson kom hingað til lands árið 1988 en var þegar handtekinn og síðan vísað úr landi.
Handleggur að vinna úr högginu
Fjögur umferðarslys: Glerhálka á Strandarheiði
Þorgerður Katrín: Ekki eins flókið og sýnist
Fimmta hvert atkvæði dautt í Reykjavík norður
Tuttugu og einn hefur aldrei setið áður á þingi
Var ráfandi við Alþingi eins og innbrotsþjófur
Bjarni kominn á Bessastaði
Á þriðja hundrað strikuðu yfir eða færðu Þórð
