Harmleikur í Danmörku

Þrír létust og 36 eru slasaðir eftir að vagn með ferðamönnum valt nærri ströndinni í Mandø á Suður-Jótlandi. Sjö farþeganna voru fluttir til aðhlynningar á sjúkrahúsum í Esbjerg, Óðinsvéum og Aabenraa.

Vagninn var dreginn áfram af traktor og valt í sterkum hliðarvindi þegar traktorinn keyrði ofan í holu.

Farþegarnir voru eldriborgarar en þeir voru á ferð með ferðaþjónustufyrirtækinu  Sælhunden sem ekur ferðamönnum frá Mandø í útsýnisferðir til sandfjörunnar í Koresand, suðvestur af bænum.

Daninn Niels Christian Nielsen kom að slysstaðnum en hann segir nokkra farþeganna hafa kramist undir vagninum.

Nielsen segir þá alla hafa verið eldriborgara.