Metkulda spáð í Stokkhólmi

Spáð er allt að 20 stiga frosti í Stokkhólmi, höfuðborg Svíþjóðar, síðar í vikunni. Svo mikið frost hefur ekki mælst í borginni í heila öld, að sögn veðurfræðinga. Einnig er spáð snjókomu.

Að sögn fréttavefjar Dagens Nyheter mældist 18 gráðu frost í Stokkhólmi í lok nóvember árið 1884 og 17 gráður í nóvember 1904. 

Enn kaldara verður þó annarstaðar í Svíþjóð, ef spár ganga eftir. Spáð er 25-30 gráðu frosti í Dölunum, Jämtland og Härjedalen.

Gert er ráð fyrir að þessu kuldakasti linni í næstu viku. 

• 1 blogg um fréttina

Bloggað um fréttina

• Sigurður Þór Guðjónsson: Ekki öll sagan