Sjónvarpsstöðin Al-Jazeera ætlar ekki að sýna myndbönd sem franski morðinginn Mohamed Merah tók upp og send voru fréttastofunni á minnislykli.

Frönsk lögregluyfirvöld telja að samverkamaður Merah hafi sent minnislykilinn því hann var sendur á meðan umsátri um heimili Merah stóð. Þá var bróðir Merah, sem einnig er grunaður um að hafa verið samverkamaður hans, í haldi lögreglu.

Merah er sagður hafa kvikmyndað ódæði sín en hann myrti sjö manns á níu dögum í frönsku borginni Toulouse. Þrjú börn voru meðal fórnarlamba hans.

Á myndbandinu sem Al-Jazeera hefur undir höndum sést m.a. árás Merah á gyðingaskólann í Toulose, frá sjónarhorni morðingjans.

Tengdar fréttir

Skotárás á gyðingaskóla í Frakklandi

Fékk 20 ár fyrir að hjálpa bróður sínum

• Bróðir morðingjans enn í haldi
• Otaði hnífi að nemanda
• Evrópa líkt og á tímum helfararinnar
• Handtóku samverkamenn morðingjans

» Fleiri tengdar fréttir

• Blogga um frétt