Kínverski andófsmaðurinn Chen Guangcheng segir að frændi hans eigi yfir höfði sér morðákæru fyrir að hafa ráðist á opinberan starfsmann sem braust inn í hús hans í austurhluta Kína. Chen segir málið fáránlegt.

Frændinn, Chen Kegui, er í haldi lögreglu eftir að óboðnir gestir réðust inn á heimili hans í Shandong-héraði. Voru þeir að leita að andófsmanninum eftir að hann flúði úr stofufangelsi.

Lögmaður Chens Keguis segir að starfsmaður Kommúnistaflokksins hafi slasast alvarlega í slagsmálunum á heimili Chens og tveir aðrir opinberir starfsmenn hafi slasast lítillega en enginn látist. 

Hins vegar heldur Chen því fram að í ákærunni sé frændi hans sakaður um morð. Undir þetta taka mannréttindalögfræðingar sem ætla að aðstoða frændann.

Tengdar fréttir

Andófsmaðurinn Chen Guangcheng

Fjölskylda Chens barin til óbóta

• Vegabréfsáritun Chen tilbúin
• Chen fær vegabréfsáritun strax
• Chen undirbýr Bandaríkjaför
• „Berfætti lögfræðingurinn“ setur allt á annan endann

» Fleiri tengdar fréttir

• Blogga um frétt