Saksóknarar í Colorado-ríki í Bandaríkjunum hafa ákært James Holmes fyrir manndráp og tilraunir til manndráps en honum er gefið að sök að hafa skotið 12 manns til bana og sært 58 aðra í kvikmyndahúsi.

Ákæra saksóknara er í alls 142 liðum og er Holmes, sem er 24 ára gamall, bæði ákærður fyrir manndráp og tilraunar til manndráps. Að auki hefur hann verið ákærður fyrir að hafa búið yfir sprengjum en á heimili hans fannst m.a. mikið magn af sprengiefni.

James Holmes braut sér leið inn um neyðarútgang í sal kvikmyndahúss þar sem verið var að sýna nýjustu myndina um Leðurblökumanninn og hóf hann skothríð á þá sem þar voru.

Engin ákvörðun hefur enn verið tekin um hvort farið verður fram á dauðarefsingu yfir honum en frá árinu 1976 hefur einungis einn maður verið tekinn af lífi í Colorado-ríki.

James Holmes hefur verið ákærður fyrir manndráp og tilraunir til manndráps. AFP

Tengdar fréttir

Skotárás í kvikmyndahúsi í Colorado

Hætta sölu á öflugum rifflum

• Holmes dæmdur í lífstíðarfangelsi
• „Hann lifir, hann andar“
• Sleppur við dauðarefsinguna
• Dauðadómur eða lífstíðarfangelsi?

» Fleiri tengdar fréttir

• Blogga um frétt