Kínverski stjórnmálamaðurinn Bo Xilai verður væntanlega ákærður fyrir að reyna að forða eiginkonu sinni frá ákæru fyrir morð, að sögn sérfræðinga í kjölfar þess að fyrrverandi lögreglustjóri Chongqing-borgar, sem áður var hægri hönd, Bo, hefur verið ákærður fyrir ýmis brot.

Eiginkona Bo Xilai var í síðasta mánuði dæmd til dauða fyrir að myrða breska kaupsýslumanninn Neil Heywood. Gu Kailai hlaut skilorðsbundinn dauðadóm, sem yfirleitt er breytt í lífstíðardóm í Kína.

Fastlega er gert ráð fyrir að Bo verði fangelsaður. Bo hefur ekki sést opinberlega svo mánuðum skiptir.

Bo var leiðtogi kommúnistaflokksins í Chongqing og borgarstjóra þar í borg, en hann var sviptur embættum sínum þegar rannsókn málsins hófst.

Gu játaði fyrir dóminum að hafa byrlað Neil Heywood eitur á hótelherbergi hans í Chongqing í nóvember. Aðstoðarmaður hennar var dæmdur sekur sem vitorðsmaður og hlaut 9 ára fangelsisdóm. 

Heywood átti í viðskiptum við son þeirra hjóna, Bo Guagua. Svo virðist sem þau viðskipti, þar sem 130 milljónir sterlingspunda eru sagðar hafa átt að skipta um eigendur, hafi farið úr böndum og Heywood í kjölfarið hótað bréflega að koma Bo yngri á kné. Gu bar fyrir dómi að hún hafi fengið taugaáfall í kjölfar deilna sonar hennar við Heywood.

Tengdar fréttir

Bo Xilai og kínverski Kommúnistaflokkurinn

Áfrýjun Bo hafnað

• Krefjast þungrar refsingar yfir Bo
• Var í 50 ára gömlum nærfötum
• Bo viðurkennir „einhverja ábyrgð“
• Segir eiginkonuna geðveika

» Fleiri tengdar fréttir

• Blogga um frétt