Rafmagn er loks komið á nánast alla Manhattan eftir að fellibylurinn Sandy reið yfir Austurströnd Bandaríkjanna. Enn er þó skortur á eldsneyti en að öðru leyti virðist athafnalíf New York borgar að færast í eðlilegt horf.

Viðgerðarmenn eru að störfum víða og eins er unnið að hreinsun. Vonast er til þess að skólastarf geti hafist í borginni á ný á mánudag og að kjörstaðir verði tilbúnir fyrir forsetakosningarnar á þriðjudag.

Annars staðar í New York ríki er víða enn rafmagnslaust en alls létust 22 í ríkinu í fellibylnum. Í Bandaríkjunum eru dauðsföllin orðin 103 sem vitað er um. 

Ríkisstjóri New Jersey, Chris Christie, hefur tilkynnt um að eldsneyti verði skammtað í ríkinu og er það gert í þeirri von að hægt verði að stytta biðraðirnar við bensínstöðvar.

Frá og með deginum í dag mega þeir sem eru með númeraplötu á bifreiðum sínum sem enda á sléttri tölu taka eldsneyti á dagsetningum sem eru sléttar tölur og öfugt þegar kemur að oddatölum.

Tengdar fréttir

Fellibylurinn Sandy

Uppbyggingunni ekki lokið

• Ár liðið frá Sandy
• Obama biður um 60 milljarða
• Gríðarlegur kostnaður vegna Sandy
• Rífa þarf hús í kjölfar Sandy

» Fleiri tengdar fréttir

• Blogga um frétt