Meirihluti Breta vill úr ESB

56% breskra kjósenda vilja segja skilið við Evrópusambandið og myndu kjósa á þann hátt, fengju þeir færi á því í þjóðaratkvæðagreiðslu Þetta eru niðurstöður nýrrar skoðanakönnunar breska sunnudagsblaðsins Observer sem birtar eru í blaðinu í dag. 

Nokkur munur er á milli flokka. 44% kjósenda Verkamannaflokksins vilja að Bretland segi sig úr ESB, en 39% vilja vera þar áfram.

68% kjósenda Íhaldsflokksins vilja ganga úr Evrópusambandinu, en 24% þeirra vilja vera í því áfram. Af kjósendum Frjálslynda flokksins vilja 39% vera áfram í Evrópusambandinu og 47% ganga úr því.

Ungt fólk fylgjandi áframhaldandi aðild

Af þeim sem svöruðu telja 28% Evrópusambandið vera „gott“ og 45% telja það „slæmt“. Eini aldurshópurinn, þar sem meirihlutinn er fylgjandi ESB-aðild, er fólk á aldrinum 18-34 ára þar sem 44% vilja vera áfram í ESB, en 25% eru á móti áframhaldandi aðild.

• 8 blogg um fréttina

Bloggað um fréttina

• Jónatan Karlsson: Grímulaus ásýnd Evrópu Bandalagsins
• Jóhann Elíasson: ÞARF EKKI AÐ KOMA NEINUM Í OPNA SKJÖLDU................
• Sigurður Þórðarson: Vilja endurheimta fiskimiðin
• Vinstrivaktin gegn ESB: En ekki heyrðist minnsta tíst í forystu ASÍ
• Páll Vilhjálmsson: Bretar kveðja ESB
• Samtök um rannsóknir á ESB ...: Vertu eins harður við ESB og Thatcher!
• Magnús Helgi Björgvinsson: Hvaða fréttir eru þetta. Bretar hafa alltaf talið sig stórveldi …
• Valdimar Samúelsson: Meirihluti Íslendinga vill ekki í ESB. Geta blöðin ekki sett …