Erlent | mbl | 28.12.2012 | 7:51 | Uppfært 11:03

Erlendar fréttamyndir ársins

Mynd 1 af 46 Fundur til stuðnings stjórnmálaflokknum Nýju lýðræði í Aþenu fyrir kosningarnar í maí. Kjósa þurfti tvisvar til þingsins þar sem enginn flokkur fékk meirihluta. Grikkir hafa mótmælt oft á árinu. Sumir vilja meina að ítök Evrópusambandsins og Alþjóðagjaldeyrissjóðsins séu of mikil og að niðurskurður sem farið hefur verið í sé of harkalegur. AFP

Mynd 2 af 46 Katrín hertogaynja af Cambridge ásamt eiginmanninum og bróður hans, Vilhjálmi og Harry prins, í London í tilefni af 60 ára valdaafmæli Elísabetar drottningar. AFP

Mynd 3 af 46 Tíbetski andófsmaðurinn Jamphel Yeshi hleypur alelda um götur Nýju-Delhi í mars. Hann hefur verið gerður útlægur frá Tíbet. AFP

Mynd 4 af 46 Fyrrverandi hermaður talibana gengur til liðs við stjórnarherinn í Afganistan við sérstaka athöfn í mars. AFP

Mynd 5 af 46 Flóttafólk frá Búrma á leið til Bangladess á litlum báti. Múslímar hafa orðið fyrir miklu aðkasti í Búrma og freista þess að komast til nágrannalandsins Bangladess. Ekki ná allir bátar að strönd. AFP

Mynd 6 af 46 Leigubílar í Hoboken í New Jersey á kafi í vatni eftir fellibylinn Sandy. AFP

Mynd 7 af 46 Villtur hlébarði klifrar upp net eftir að hafa fallið ofan í vatnstank í Haskhowa. Bjarga þurfti dýrinu upp úr tankinum með því að láta net síga til þess. AFP

Mynd 8 af 46 Barack Obama ásamt fjölskyldu sinni á kosningavöku 6. nóvember. AFP

Mynd 9 af 46 Ferðamaður situr við líkan af hákarli í Bangkok. Taíland hefur í fleiri ár haft mikið aðdráttarafl fyrir ferðamenn en flóð og aðrar hörmungar hafa þó sett strik í reikninginn á síðustu misserum. AFP

Mynd 10 af 46 Katrín hertogaynja af Cambridge og eiginkona Vilhjálms Bretaprins fyrir utan mosku í Kuala Lumpur. Parið fór í mikið ferðalag í byrjun september í tilefni af 60 ára valdaafmæli Elísabetar Bretlandsdrottningar. AFP

Mynd 11 af 46 Kína og Suður-Kórea urðu illa úti vegna flóða og veðurofsa í lok ágúst. Margir týndu lífi og eyðileggingin var umfangsmikil. AFP

Mynd 12 af 46 Kona heldur utan um dóttur sína á meðan sprengjum sýrlenska flughersins rignir í nágrenninu. Borgin Aleppo og íbúar hennar hafa þurft að þola stöðugar loftárásir mánuðum saman. AFP

Mynd 13 af 46 Vilhjálmur Bretaprins og eiginnkona hans Katrín á Solomon-eyjum í september. Parið ferðaðist víða, m.a. til fyrrverandi nýlenda breska konungsveldisins í tilefni af 60 ára valdatíð Elísabetar drottningar. AFP

Mynd 14 af 46 Lögreglumaður býst við öllu er hann sækir barn sem er langt leiddur fíkniefnanotandi á götum Rio de Janeiro. Borgaryfirvöld reyna nú að „hreinsa upp göturnar“ en árið 2016 verða Ólympíuleikarnir haldnir þar í borg. AFP

Mynd 15 af 46 Barack Obama forseti Bandaríkjanna fær sér franska kartöflu á skyndibitastað í Míamí í Flórída í september. Kosningabaráttan var löng og ströng. AFP

Mynd 16 af 46 Kínverjinn Zheng Tao fagnar heimsmeti sínu í 100 metra baksundi á Ólympíumóti fatlaðra í London í sumar. AFP

Mynd 17 af 46 Norðurkóreski leiðtoginn Kim Jong-Un klappar við hátíðarhöld vegna aldarafmælis afa síns, Kim Il-Sung í apríl. Við þetta tilefni hélt Kim Jong-Un sína fyrstu opinberu ræðu. AFP

Mynd 18 af 46 Kínverski andófsmaðurinn Chen Guangcheng sem verið hafði í stofufangelsi í heimalandinu, fékk hæli í Bandaríkjunum. AFP

Mynd 19 af 46 Barn úr Roma-samfélaginu yfirgefur búðir eftir að franska lögreglan rak fólkið af svæðinu í lok ágúst. Talið er að um 15 þúsund manns úr Roma-samfélaginu búi í ólöglegum búðum í Frakklandi í óþökk nágranna og lögreglu. AFP

Mynd 20 af 46 Hermenn úr bandarískri herdeild sem starfar sem hluti af alþjóðaherliði NATO í Afganistan, vernda særðan félaga á meðan ryk og reykur þyrlast upp umhverfis þá. Nú hefur stríðið í Afganistan staðið í 11 ár. 2.135 bandarískir hermenn hafa fallið. AFP

Mynd 21 af 46 Anders Behring Breivik var dæmdur til fangelsisvistar fyrir að drepa 77 í Ósló og Útey. Breivik var dæmdur sakhæfur. AFP

Mynd 22 af 46 Suðurkóreska poppstjarnan Psy sló heldur betur í gegn á árinu. Myndband við lag hans Gangnam Style er það vinsælasta á YouTube frá upphafi. AFP

Mynd 23 af 46 Fjölbragðaglímuhópurinn Lucha Va Voom sýnir í leikhúsi í Los Angeles í maí. Hópurinn er frá Mexíkó. AFP

Mynd 24 af 46 Rússneski forsetinn Vladimír Pútín kemur inn í forsetahöllina í Kreml við innsetningarathöfn í maí. Pútín var kjörinn forseti landsins í þriðja sinn - en þó með hléi. AFP

Mynd 25 af 46 Barack Obama faðmar eiginkonuna Michelle í Iowa. Þessi mynd birtist á Twitter-þræði forsetans, þegar ljóst var að hann hefði verið endurkjörinn forseti Bandaríkjanna. AFP

Mynd 26 af 46 Hinn umdeildi fyrrverandi forseti Egyptalands, Hosni Mubarak, í dómssal í sumar. Hann var dæmdur í lífstíðarfangelsi fyrir aðild sína á morðum á mótmælendum í uppreisn í landinu. AFP

Mynd 27 af 46 Elísabet Bretlandsdrottning ásamt Játvarði jarli af Wessex, brosir til þegna sinna af svölum hallarinnar 2. júní. Í ár voru sextíu ár frá því að hún varð drottning Bretlands. AFP

Mynd 28 af 46 Konur kyssast við mótmæli í Frakklandi. Frumvarp um hjónabönd og ættleiðingar samkynhneigðra voru tekin fyrir á franska þinginu í október. AFP

Mynd 29 af 46 Stuðningsmenn bresku konungsfjölskyldunnar sitja fyrir utan Buckinghamhöll í London og bíða eftir því að tónleikar í tilefni af 60 ára valdaafmæli Elísabetar drottningar hefjist. AFP

Mynd 30 af 46 Hræ af heimsins best varðveitta loðfíl til sýnis í Hong Kong í apríl. Hræið er 42 þúsund ára gamalt og fannst af hirðingja sem var á ferð um svæðið með hrendýrahjörð sína í Rússlandi árið 2007. AFP

Mynd 31 af 46 Karl prins af Wales kyssir á hönd móður sinnar, Elísabetar, á tónleikum í við Buckinghamhöll í júní. Þá voru liðin 60 ár frá því Elísabet varð drottning. AFP

Mynd 32 af 46 Þegnar Norður-Kóreu votta tveimur myndum af leiðtogum sínum virðingu sína. Á myndunum eru Kim Il-Sung (t.v.) og barn hans Kim Jong-Il. Í apríl voru liðin 100 ár frá fæðingu Kim Il-Sung. AFP

Mynd 33 af 46 Ólympíuleikarnir í London þóttu velheppnaðir. AFP

Mynd 34 af 46 Usain Bolt frá Jamaíka kom, sá og sigraði á Olympíuleikunum í London. AFP

Mynd 35 af 46 Skemmtiferðaskipið Costa Concordia strandaði við eyjuna Giglio í janúar. 32 létust er skipið strandaði. Skipstjórinn var dreginn fyrir dómstóla. Skipið er helmingi stærra en Titanic og um borð voru 4.229 manns. AFP

Mynd 36 af 46 Eldgleypir spúir eldi á hátíð í Manila í tilefni af upphafi nýs árs samkvæmt kínverska tímatalinu. AFP

Mynd 37 af 46 Novak Djokovic frá Serbíu fagnar sigri sínum á andstæðingnum Rafael Nadal frá Spáni á opna ástralska tennismótinu í janúar. AFP

Mynd 38 af 46 Í febrúar fékk forsetaframbjóðandi sósíalista, Francois Hollande, hveiti yfir sig. Hollande var kjörinn forseti Frakklands nokkrum vikum síðar. AFP

Mynd 39 af 46 Þúsundir íbúa Austur-Kongó flýja frá Goma. Mikil átök hafa geisað í landinu og flóttamannabúðum verið komið upp. AFP

Mynd 40 af 46 Óeirðarlögreglan í eldhafi við mótmæli í Aþenu í febrúar. Gríska lögreglan hefur staðið í ströngu í ár vegna ítrekaðra mótmæla. Grikkir hafa ekki tekið niðurskurði hins opinbera þegjandi. AFP

Mynd 41 af 46 Franski forsetinn François Hollande og kona hans Valerie Trierweiler dvöldu í Bregancon Fort í suðausturhluta Frakklands í sumarfrí sínu í ágúst. AFP

Mynd 42 af 46 Breska tónlistarkonan Adele með sex verðlaun sem hún hlaut á Grammy-hátíðinni í Los Angeles í febrúar. AFP

Mynd 43 af 46 Samba dönsuð í Sao Paulo í febrúar. AFP

Mynd 44 af 46 Afgönsk ungmenni henda steinum að bandarískum hermönnum við hlið Bagram-herstöðvarinnar. AFP

Mynd 45 af 46 Vladimír Pútín sóttist aftur eftir forsetaembættinu – hér er hann á kosningafundi í febrúar. Pútín sigraði í kosningunum sem fram fóru í byrjun mars. AFP

Mynd 46 af 46 Meryl Streep og Jean Dujardin hlutu óskarsverðlaun fyrir bestan leik í aðalhlutverki. Hátíðin fór að vanda fram í Hollywood í febrúar. AFP

Katrín hertogaynja í Kuala Lumpur í september. Hún var mikið í fréttum á árinu. AFP

Blóðug átök, flóð, fellibyljir og forsetakosningar. Árið 2012 hefur verið viðburðaríkt. Þetta er árið sem breska konungsfjölskyldan var í kastljósinu vegna margra og ólíkra atvika. Elísabet drottning fagnaði 60 ára valdaafmæli, Filippus prins veiktist, nektarmyndir birtust af barnabarninu Harry og síðar sjálfri hertogaynjunni, Katrínu. Hún og eiginmaðurinn Vilhjálmur ferðuðust um fyrrverandi nýlendur og sambandsríki í tilefni af valdaafmæli drottningar. Svo var greint frá því að Katrín væri ólétt. Meðgangan hefur hins vegar tekið á hertogaynjuna.

Með því að smella á renninginn hér að ofan má sjá ítarlega myndasyrpu frá helstu viðburðum ársins 2012.

Þetta var líka ár sviptinga á pólitíska sviðinu. Forsetaskipti urðu í Frakklandi. Forsetakosningar í Bandaríkjunum. Leiðtogaskipti í Kína. Ólga í stjórnmálunum í Grikklandi og Sýrlandi.

Á sama tíma og ríkisstjórnir hafa boðað niðurskurð hefur atvinnulausum í Evrópu fjölgað sem og víðar í heiminum. Kreppan beit á mörgum evrópskum heimilum þetta árið og hefur fjölgað um milljónir í hópi fátækra Evrópubúa. Skiptir þar engu hvort viðkomandi er barn að aldri eða eldri borgari, kreppan eirir engri kynslóð.

Sjá fréttaskýringu: Kreppan eirir engum

Uppreisnin í Sýrlandi hefur á þessu ári breyst úr kröftugum kröfugöngum á götum úti í blóðuga styrjöld. Áhrifa vopnaðra íslamista gætir - þvert á hugsjónir arabíska vorsins.

Sjá fréttaskýringu: Blóðslóð í kjölfar arabíska vorsins

En 2012 er líka árið þegar velheppnaðir Ólympíuleikar fóru fram í London og tónlistarmaður frá fjarlægu landi sló nánast öll met sem hægt er að slá.

Sjá fréttaskýringu: Raftækjarisi og róttækur rappari