Utanríkisráðherra Noregs, Espen Barth Eide, telur að íslömsku vígamennirnir, sem rændu starfsmönnum gasvinnslu í Alsír, hafi notið aðstoðar innan úr gasvinnslunni. Þetta kemur fram í viðtali við Eide í Verdens Gang í dag.

Við höfum fengið upplýsingar um að hryðjuverkamennirnir hafi haft fólk innandyra sem undirbjó aðgerðir í nokkurn tíma, segir Eide í vitalinu. Meðal annars hafi þeir komið  búnaði fyrir í gasvinnslunni fyrirfram.

Samkvæmt heimildum VG höfðu mannræningjarnir komið vopnum fyrir áður en þeir tóku gíslana fanga þann 16. janúar sl. Hundruð gísla voru í haldi mannræningjanna. Að minnsta kosti 38 gíslar létust þegar alsírski herinn gerði árás á gasvinnsluna. 

Enn er ekki vitað um afdrif fimm Norðmanna en þeir störfuðu fyrir norska olíufyrirtækið Statoil sem rak gasvinnsluna ásamt BP og Sonatrach.

Frétt VG

Tengdar fréttir

Vestur- og Norður-Afríka

Nauðganir og morð daglegt brauð

• Sprengdu brú í loft upp
• Reynt að ná sátt í Malí
• Myrtu alla gíslana
• Stórtækum hernaðaraðgerðum lýkur

» Fleiri tengdar fréttir

• Blogga um frétt