Verkföll lama almenningssamgöngur í höfuðborg Grikklands, Aþenu, en lögregla reyndi að brjóta á bak aftur verkfall starfsmanna jarðlestakerfis borgarinnar.

Handtók lögregla nokkra starfsmenn jarðlestanna í morgun en þeir voru í setuverkfalli á járnbrautarstöð í borginni.

Ríkisstjórn Grikklands nýtti sér ákvæð neyðarlaga þar sem heimilt er að handtaka þá sem taka þátt í verkfallinu ef þeir neita að mæta til vinnu. Ástæða verkfallsins eru fyrirhugaðar launalækkanir en starfsmenn segja að þær geti þýtt allt að 25% launaskerðingu.

Verkfallið hefur staðið yfir í níu daga en jarðlestarkerfi borgarinnar hefur verið lamað þann tíma. Talið er að um 1,1 milljón borgarbúa nýti sér almenningssamgöngur í borginni á hverjum degi.

AFP

Tengdar fréttir

Mótmæli í Grikklandi

Leggja til hækkun fasteignaskatts

• Telja öfgahópa bera ábyrgð
• Grikkir geta ekki meira
• Svipta þingmenn friðhelgi
• Þingmenn Gullinnar dögunar ákærðir

» Fleiri tengdar fréttir

• Blogga um frétt