Enn er leitað að Norðmanni, sem saknað  hefur verið eftir árás íslamskra vígamanna á gasvinnslustöðina In Amenas í Alsír fyrir tæpum tveimur vikum. Fimm norskra starfsmanna norska olíufélagsins Statoil var saknað í um viku, þar til kennsl voru borin á lík fjögurra þeirra fyrir nokkrum dögum. 

Norska utanríkisráðuneytið hefur tilkynnt að ólíklegt sé að maðurinn finnist á lífi.

Norska rannsóknarlögreglan mun fara á svæðið á næstunni, ásamt lögreglumönnum frá öðrum þeim löndum þaðan sem hinir látnu voru, en alls létust 52 erlendir starfsmenn breskra og bandarískra olíufélaga, auk Statoil í árásinni og gíslatökunni sem fylgdi í kjölfarið.

Lögreglumennirnir munu safna saman eigum hinna látnu og fara með þær heim til ættingja þeirra.

Lík Norðmannanna fjögurra hafa enn ekki verið flutt til Noregs og óvíst er hvenær það verður, en vonast er til þess að það verði á morgun, samkvæmt umfjöllun norska dagblaðsins Aftenposten.

Tengdar fréttir

Vestur- og Norður-Afríka

Nauðganir og morð daglegt brauð

• Sprengdu brú í loft upp
• Reynt að ná sátt í Malí
• Myrtu alla gíslana
• Stórtækum hernaðaraðgerðum lýkur

» Fleiri tengdar fréttir

• Blogga um frétt