Norska olíu- og gasfyrirtækið Statoil hefur staðfest að fimmti starfsmaður þeirra í Alsír hafi verið myrtur í mannráninu fyrr í mánuðinum. Það þýðir að allir Norðmennirnir fimm sem var saknað eru látnir.

Helge Lund, forstjóri Statoil, segir að þessar sorgarfregnir hafi borist í dag. Maðurinn, Victor Sneberg, stýrði starfsemi Statoil í Alsír. Líkt og fram hefur komið tóku íslamskir vígamenn fjölmarga starfsmenn gasvinnslunnar In Amenas sem rekin er af Statoil, BP og ríkisorkufyrirtæki Alsír fyrr í mánuðinum.

Sneberg, 56 ára, var sá síðasti af Norðmönnunum sem saknað var en staðfest var í síðustu viku að hinir fjórir höfðu látist. Ekki hefur komið fram hvernig dauða þeirra bar að.

Tengdar fréttir

Vestur- og Norður-Afríka

Nauðganir og morð daglegt brauð

• Sprengdu brú í loft upp
• Reynt að ná sátt í Malí
• Myrtu alla gíslana
• Stórtækum hernaðaraðgerðum lýkur

» Fleiri tengdar fréttir

• Blogga um frétt