Ákveðið hefur verið að taka fleiri vörur frá Ikea úr sölu en fyrr í vikunni kom í ljós að hrossakjöt leyndist í kjötbollum fyrirtækisins.

Meðal annars verður hætt að selja pylsur í verslunum fyrirtækisins í Frakklandi, Spáni, Bretlandi, Írlandi og í Portúgal. Í Svíþjóð verður hætt að selja buff sem nefnast wallenbergare og pottrétti með nautakjöti.

Fyrr í vikunni tók Ikea úr sölu poka með frosnum kjötbollum og hætti að selja þær á veitingastöðum sínum í 25 löndum. Þrátt fyrir að ekki hafi fundist hrossakjöt í annarri matvöru en kjötbollunum þá hafi verið ákveðið að taka þær úr sölu þar sem framleiðandinn er sá hinn sami, Dafgårds.

Kjötbollurnar sem seldar á veitingastaðnum og frosnu kjötbollurnar í sænska matarhorninu hjá Ikea í Garðabæ eru íslensk framleiðsla frá Norðlenska á Húsavík.

Tengdar fréttir

Hrossakjötshneyksli

Neitar að hafa vitað að nautið var hross

• 65 handteknir vegna hrossakjötshneykslis
• Hrossakjötssmyglarar ákærðir
• Upprættu umfangsmikið smygl á hrossakjöti
• Bökurnar rannsakaðar upp til agna

» Fleiri tengdar fréttir

• 1 blogg um fréttina

Bloggað um fréttina

• Guðmundur Ásgeirsson: Nýr kafli: falsaðar sænskar kjötbollur