Utanríkisráðherra Venesúela, Elias Jaua, beiddist þess í dag að Hugo Chavez, forseti landsins, fengi að jafna sig í friði og ró eftir meðferð, sem hann gekkst nýlega undir vegna krabbameins.

Chavez er nú á sjúkrahúsi í Karakas, höfuðborg Venesúela, þar sem hann hefur legið síðan um miðjan febrúar eftir tveggja mánaða meðferð á Kúbu.

„Við viljum sjá Chavez ná sér og verða heilbrigðan og við viljum að hann fái ró og frið á meðan hann mun undirgangast þær meðferðir sem eru honum nauðsynlegar,“ sagði Jaua.

„Við munum ekki lúta í lægra haldi fyrir þeim sem vilja ekki að Chavez nái heilsu; þeim sem nota fjárkúgun og glæpsamlegt athæfi til að fá sitt fram,“ sagði hann og átti þar við stjórnarandstöðu landsins sem hefur sakað stjórnvöld um að leyna almenning upplýsingum um heilsufar forsetans.

Forsetinn er með krabbamein í mjöðm og  hefur farið í fjórar aðgerðir vegna þess, þá síðustu í desember. Hann hefur ekki sést opinberlega í tæpa þrjá mánuði.

Tengdar fréttir

Hugo Chavez

Gerir þriggja metra styttu af Chavez

• Maduro ósáttur með teiknimynd
• Hugo Chavez í himnaríki
• Enn minnast menn Chavez
• Maduro sór embættiseið

» Fleiri tengdar fréttir

• Blogga um frétt