Fjármálaráðherrar evrusvæðisins hafa komist að samkomulagi um að veita stjórnvöldum á Kýpur 10 milljarða evra neyðarlán til að koma í veg fyrir að bankakerfi landsins hrynji. Kýpur mun jafnframt halda evrusamstarfinu áfram.

Fram kemur á vef breska ríkisútvarpsins, að loka eigi Laiki Bank, sem er næststærsti banki landsins, og ljóst sé að innistæðueigendur, sem eiga meira en 100.000 evrur, muni standa frammi fyrir gríðarlegu tapi.

Aftur á móti er búið að tryggja allar innistæður sem eru lægri en 100 þúsund evrur.

Laiki verður skipt í „góða“ og „slæma“ banka og á endanum munu öll verðmæti vera færð inn í Kýpurbanka.

Seðlabanki Evrópu var búinn að gefa mönnum frest til dagsins í dag til að ná samkomulagi um lánveitinguna. 

Fram kom á blaðamannafundi, sem fram fór í Brussel í Belgíu, að með þessu sé búið að koma í veg fyrir þá óvissu sem ríkti á Kýpur.

Boðað var til blaðamannafundar í Brussel þar sem tilkynnt var að fjármálaráðherrar ESB hefðu samþykkt að veita Kýpverjum neyðarlán. AFP

Tengdar fréttir

Kýpur í kreppu

Kýpur fær 84,7 milljónir frá AGS

• Þing Kýpur felldi niðurskurðarlög
• Sólarlandaferð á gjafverði
• Hollande: „Evrukrísan er liðin hjá“
• Segir Kýpur hafa verið beitt þvingunum

» Fleiri tengdar fréttir

• 3 blogg um fréttina

Bloggað um fréttina

• Ómar Bjarki Kristjánsson: Samkomulag um efnahagsaðgerðir á Kýpur. Kýpverjar ánægðir með að aðild …
• Guðmundur Jónsson: Sjáðu Bensinn fyrir aftan þig sagði konan.
• Guðmundur Ásgeirsson: 534.074.821.365% verðbólga ?