Allir bankar á Kýpur verða lokaðir fram á fimmtudag, en áður hafði verið tilkynnt um að allir nema tveir yrðu opnaðir á morgun. Með þessari frestun á að tryggja að starfsemi banka og fjármálafyrirtækja gangi eins vel og hægt verður, miðað við aðstæður.

Þetta tilkynngi  fjármálaráðherra landsins, Michael Sarris, í kvöld.

Fjármálamarkaðir brugðust neikvætt við fyrr í dag þegar Jeroen Dijsselbloem, fjármálaráðherra Hollands og formaður fjármálaráðherra Evruríkjanna, sagði að björgunaraðgerðirnar sem gripið var til vegna Kýpur gætu lagt línurnar fyrir önnur ríki sem kynnu að lenda í áþekkum vanda.

Nokkrum klukkustundum síðar tilkynntu yfirvöld á Kýpur um þessa frestun.

Allir bankar á Kýpur verða lokaðir fram á fimmtudag. AFP

Tengdar fréttir

Kýpur í kreppu

Kýpur fær 84,7 milljónir frá AGS

• Þing Kýpur felldi niðurskurðarlög
• Sólarlandaferð á gjafverði
• Hollande: „Evrukrísan er liðin hjá“
• Segir Kýpur hafa verið beitt þvingunum

» Fleiri tengdar fréttir

• 1 blogg um fréttina

Bloggað um fréttina

• Guðmundur Ásgeirsson: Skammtafræðilegt efnahagsástand