Ekki hafa borist staðfestar tölur af mannfalli í kjölfar sprengingar í áburðarverksmiðju í smábænum West í Texas. Slökkviliðsmenn í sjálfboðastarfi voru að kljást við eld þegar sprengingin varð en fimm slökkviliðsmanna er saknað. Áburður er kraftmikið efni sem hefur verið notað í sprengiefni.

Jón Viðar Matthíasson, slökkviliðsstjóri á höfuðborgarsvæðinu, segir slökkviliðsmenn fylgjast vel með framvindu mála þegar slíkir atburðir eiga sér stað en jafnframt að ekki sé talið að sambærileg sprenging geti orðið í verksmiðjum hér á landi. 

Um 160 manns hafa leitað sér hjálpar á spítölum í nágrenni West og á milli 50 og 60 hús í nágrenninu eru talin ónýt eða mikið skemmd, þar á meðal er hjúkrunarheimili með 133 vistmönnum en verið er að kanna afdrif þeirra. Lögregluyfirvöld segja að ekkert bendi til að sprengingin hafi verið af mannavöldum þó ekkert sé útilokað í þeim efnum.  

Tengdar fréttir

Áburðarverksmiðja í Texas - sprenging

Íbúar West fá að snúa heim á ný

• 14 létu lífið í Texas
• 12 látnir og 60 saknað í Texas
• Fjöldi látinna enn óljós
• Neyðarástand í Texas segir ríkisstjórinn

» Fleiri tengdar fréttir

• Blogga um frétt