Yfirvöld í Oklahoma í Bandaríkjunum segja að starfi björgunarsveita muni brátt ljúka. Á þriðja tug manns lést eftir að öflugur skýstrókur gekk yfir ríkið.

Slökkviliðssstjórinn Gary Bird segist geta sagt með 98% vissu að hvorki lík né fólk á lífi muni finnast í húsarústunum, að því er segir á vef breska ríkisútvarpsins.

Sérfræðingar segja að skýstrókurinn hafi verið efsta stigs hvirfilbylur. Vindhraðinn náði að minnsta kosti 320 km hraða á klst. og lagði strókurinn stórt svæði í Moore, sem er úthverfi Oklahoma-borgar, í rúst.

Mary Fallin, ríkisstjóri Oklahoma, segir mögulegt að tala látinna muni hækka en hún er nú í 24, en hún segir að í einhverjum tilfella hafi lík verið flutt beint á útfararstofur. Alls létust níu börn í óveðrinu.

Í gær töldu menn að 51 hefði látið lífið. Dánardómstjóri í ríkinu segir hins vegar að menn hafi tvítalið sum lík í ringulreiðinni sem skapaðist.

Slökkviliðsstjórinn segir að hvorki lík né fólk á lífi hafi fundist í húsarústunum síðan á mánudagskvöld.

Hann segir að björgunarsveitarmenn muni til öryggis leita þrisvar sinnum á hverjum stað.

Tengdar fréttir

Skýstrókur í Oklahoma

Búist við fleiri skýstrókum í Oklahoma

• Þjóðin stendur með íbúum Moore
• Fann hund sinn á lífi í rústunum
• 24 í það minnsta látnir
• Fengu 8-12 mínútna fyrirvara

» Fleiri tengdar fréttir

• Blogga um frétt