Formaður rannsóknarnefndar sem rannsakað hefur tildrög og eftirmála þess er verksmiðja hrundi í Bangladess með eim afleiðingum að yfir 1.100 manns týndu lífi, segir að eigandi hússins beri höfuðábyrgð á slysinu. Hann hafi margbrotið byggingareglugerðir.

 Byggingin var á níu hæðum og stóð í nágrannaborg höfuðborgarinnar Dakka. Um 4.500 fataverksmiðjur eru í landinu.

 Uddin Khandaker, formaður rannsóknarnefndarinnar sagði í dag að eigandi byggingarinnar hefði orðið ríkur á svartri atvinnustarfsemi og hefði brotið fjölmörg lög og reglugerðir.

„Hann er afkvæmi rotinna stjórnmála og er tákngervingur hnignunar í okkar samfélagi.“

Khandaker segir að rannsóknarnefndin mæli með því að húseigandinn verði sóttur til saka og ákærður fyrir morð. Hann gæti því átt lífstíðarfangelsisvist yfir höfði sér.

Tengdar fréttir

Bangladess - fataiðnaðurinn

Fyrsti dómur af mörgum

• Rannsaka mannskæða sprengingu
• Enn enginn dæmdur vegna slyssins
• Vill að eigandinn sæti ábyrgð
• Lifði af slysið en svipti sig lífi

» Fleiri tengdar fréttir

• Blogga um frétt