Tyrkneski forsætisráðherrann vill ekki heyra minnst á „tyrkneska vorið“ í samhengi við mótmælin sem þar hafa nú staðið yfir í fjóra daga. Recep Tayyip Erdogan hefur verið forsætisráðherra í áratug og eru mótmælin nú þau mestu frá því að hann tók við starfi. 

Til átaka kom milli mótmælenda og lögreglu í Ankara í dag. Hefur lögreglan ítrekað gripið til táragass og vatns til að sundra mótmælendahópnum. Enn er mótmælt í  mörgum borgum landsins.

Erdogan er gagnrýndur fyrir að hafa stuðlað að auknum tengslum íslams og stjórnmálanna. Hann neitar því og minnir á að hann hafi verið lýðræðislega kjörinn forsætisráðherra.

Mannréttindasamtök segja að mörg hundruð manns hafi særst í átökum við lögreglu.

Forsætisráðherrann hvatti í dag mótmælendur til að koma óánægju sinni á framfæri með friðsömum hætti. Hann hefur kallað mótmælendur skemmdarvarga.

Tengdar fréttir

Tyrkir mótmæla

Táragasi beitt gegn mótmælendum

• Beitti táragasi á mótmælendur
• Komu saman og syrgðu unglingspilt
• Táragasi beitt í Ankara
• Óeirðir í kjölfar dómsins

» Fleiri tengdar fréttir

• Blogga um frétt