Sum Ting Wong flaug ekki vélinni
Setja bókamerki
Asiana-flugfélagið ætlar að höfða mál á hendur sjónvarpsstöð sem las upp bullnöfn flugmannanna og flugstjóra vélarinnar sem brotlenti í San Francisco. Sum Ting Wong, Ho Le Fuk, We Tu Lo og Bang Ding Ow flugu sum sé ekki vélinni.
Þrír farþegar vélarinnar létust.
Í innslagi KTVU-sjónvarpsstöðvarinnar las þulurinn nöfnin af fullri alvöru í beinni útsendingu. Eftir auglýsingahlé baðst hún svo afsökunar, segir í frétt Sky um málið.
Öryggis- og samgöngunefnd Bandaríkjanna, NTSB, hefur einnig beðist afsökunar því sumarstarfsmaður hjá þeim staðfesti nöfn áhafnarinnar sem síðar voru lesin upp.
Asiana segir sjónvarpsstöðina hafa skaðað orðspor sitt með fréttaflutningnum sem sé hlaðinn kynþáttafordómum. Ekki hefur verið ákveðið hvort farið verði einnig í mál við NTSB.
Tæpur hálfur milljarður í ýmsan kostnað þingmanna
Synti yfir ísvatnið: „Ekki eftir neinu að bíða“
Ný forysta í uppsiglingu: Hver tekur við taumunum?
Rannsókn hafin á Súðavíkurflóðunum
Borgarfulltrúar biðjast lausnar
Ákærður fyrir að hafa banað móður sinni
Finna annmarka á kosningum og vísa til Alþingis