Norðmenn skiptast í tvo andstæða hópa þegar kemur að olíuvinnslu í Lofoten og Vesterålen. Samkvæmt skoðanakönnun BT og Aftenpostin styðja 39% Norðmanna olíuvinnslu þar en 41% er andvígt slíkri vinnslu þar.

Einn af hverjum fimm aðspurðra hefur ekki tekið ákvörðun um hvað skipti þá mestu þegar þeir ganga að kjörborðinu síðar í mánuðinum. Meðal þess sem rætt er um er olíuvinnsla og hlýnun jarðar.

Kjósendur Verkamannaflokksins skiptast í tvo nánast jafna hópa þegar kemur að olíuvinnslunni en stuðningsmenn annarra flokka en Græningja eru fylgjandi olíuborun  í Lofoten, Vesterålen og Senja, samkvæmt frétt Aftenposten.

Latte-lepjandi Óslóarbúar

Ståle Ditlefsen starfsmaður í olíuiðnaði og sjómaður sem  býr í Myre í Øksnes segir í samtali við Aftenposten að svæðið þurfi á aukinni atvinnu að halda. Hann segir að fólk í Ósló sem lepji latte kaffi á kaffihúsum geri sér ekki grein fyrir hver staðan sé á þessum slóðum. Það þurfi að skapa meiri atvinnu á svæðinu.

Frétt Aftenposten í heild

Tengdar fréttir

Þingkosningar í Noregi

Boðið að taka við öðrum flokki

• Ný ríkisstjórn tekur við völdum
• Stjórnarsáttmáli í höfn í Noregi
• Varaformaðurinn fær ekki ráðherrastól
• „Sögulegt stjórnarsamstarf“ í Noregi

» Fleiri tengdar fréttir

• Blogga um frétt