Spænskir fjölmiðlar hafa birt upptöku þar sem heyra má lestarstjórann sem stýrði lestinni sem fór út af teinunum við bæinn Santiago de Compostela segja félaga sínum að hann sé á 190 km hraða.

Heimilaður hámarkshraði á þessum stað er 80 km á klukkustund. 79 létust og um 170 slösuðust í slysinu sem átti sér stað í júlí.

Lestarstjórinn Francisco Jose Garzon heyrist segja félaga sínum frá því á hvaða hraða hann er, auk þess sem hann kvartar yfir því hversu erfið beygjan sé þar sem slysið varð. Garzon hefur verið ákærður fyrir að bera ábyrgð á dauða farþeganna auk þess að hafa valdið slysinu með gáleysi í starfi.

Tengdar fréttir

Lestarslys á Spáni

Veit ekki hvað hann var að hugsa

• Lestarstjórinn var í símanum
• Fórnarlömb slyssins borin til grafar
• Ákærður fyrir 79 manndráp
• Lestarstjóri leiddur fyrir dómara

» Fleiri tengdar fréttir

• Blogga um frétt