Ítalskir kafarar sem leituðu tveggja líka sem enn er saknað eftir að skemmtiferðaskipið Costa Concordia strandaði í fyrra, hafa fundið líkamsleifar við flakið. 32 fórust er skipið strandaði við eyjuna Giglio fyrir tæpum tveimur árum síðan.

„Við leit í sjónum við miðju skipsflaksins fundu kafarar frá strandgæslunni og lögreglunni líkamsleifar sem enn á eftir að bera kennsl á,“ segir í yfirlýsingu.

Þrjátíu lík fundust eftir strand skipsins en tveggja hefur verið saknað, Ítalans Mariu Grazia Trecarichi og Indverjans Russel Rebello.

Leitin að líkum þeirra hófst er skipið var sett á réttan kjöl í síðustu viku. 

Enn er réttað í máli skipstjórans sem talinn er hafa af gáleysi siglt skipinu í strand.

Tengdar fréttir

Costa Concordia

Staðfesti 16 ára fangelsisdóm

• Dómur staðfestur yfir skipstjóranum
• Kókaíni smyglað með farþegaskipum
• Skipstjórinn í 16 ára fangelsi
• Hann hafi dottið í björgunarbátinn

» Fleiri tengdar fréttir

• Blogga um frétt