Þingmenn Gullinnar dögunar ákærðir
Setja bókamerki
Um 100 stuðningsmenn öfgaflokksins Gullin dögun voru fyrir utan dómshúsið í Aþenu þegar fjórir þingmenn flokksins voru færðir fyrir dómara og þeir ákærðir.
Ilias Kasidiaris, Yiannis Lagos, Nikos Michos og Ilias Panagiotaros voru fluttir úr fangaklefa í höfuðstöðvum lögreglunnar í Aþenu í dómshúsið. Gríðarleg öryggisgæsla var með fangaflutningunum. Stuðningmenn stjórnmálaflokksins kölluðu til þingmanna sinna að þeir væru hetjur er þeir voru færðir inn í dómshúsið.
Þrír félagar í flokknum höfðu fyrr í dag komið fyrir dómara. Tveir voru látnir lausir en sá þriðji þarf að mæta fyrir dómara á ný á fimmtudag. Stofnandi og leiðtogi Gullinnar dögunar, Nikos Michaloliakos, un koma fyrir dómara á morgun en varaformaður flokksins, Christos Pappas, á fimmtudag.
Rannsóknardómari skoðar nú tengsl Gullinnar dögunar við á annan tug mála, þar á meðal tvö morð, þrjár morðtilraunir, tvö rán og íkveikju.
Deilan enn í hnút eftir tveggja vikna verkföll
Komið „meira púður“ í viðræðurnar
Hagsmunir íbúa að leiðarljósi
Vandræði með vatn í Bolungarvík
„Einhverjir töfrar sem gerast“
Pólverjar horfa í auknum mæli hingað til lands
Munu áfrýja beint til Hæstaréttar