Hlébarði réðst á mann

Hlébarði sem komst út úr Kruger-þjóðgarðinum í Suður-Afríku réðst á mann og slasaði hann alvarlega. Dýrið komst í gegnum girðingu og réðst á mann í nálægu þorpi.

Talsmaður garðsins segir að ástand mannsins sé stöðugt og að hann sé heppinn að vera á lífi.

Eftir árásina fór hlébarðinn aftur í garðinn og var girðingin þar sem það slapp út löguð.

Um þrjár milljónir manna búa í borgum og bæjum í kringum Kruger-garðinn. Garðurinn er um 2 milljónir hektara, svipaður að stærð og Ísrael.

• Blogga um frétt