Verið er að rífa byggingu Sandy Hook grunnskólans í Newtown í Connecticut í Bandaríkjunum, en 20 börn og sex starfsmenn skólans létust þar í desember í fyrra þegar vopnaður maður réðist inn í skólann.

Skólastarf í Newtown hófst aftur nágrannabænum Monroe um þremur vikum eftir að Adam Lanza réðist inn í Sandy Hook-skólann og skaut á nemendur og starfsmenn. Aldrei kom til greina að hefja skólastarf í byggingunni þar sem voðaverkið var framið.

Í gær hófst vinna við að rífa og fjarlægja skólabygginguna, en hún er rúmlega 50 ára gömul. Reiknað er með að um fjórar vikur taki að fjarlægja bygginguna.

Tengdar fréttir

Fjöldamorð í Connecticut

Fjölskyldur fórnarlamba vilja semja við Jones

• 74 skólaskotárásir eftir Newtown
• Segir son sinn djöful í mannsmynd
• „Verður versti dagur í lífi ykkar“
• Engu nær um ástæðu fjöldamorðanna

» Fleiri tengdar fréttir

• Blogga um frétt