Franska lögreglan hefur fundið tvö torskilin bréf sem geta mögulega varpað ljósi á ástæður þess að byssumaður, sem er nú í haldi lögreglu, framkvæmdi skotárásir nýverið í París, höfuðborg Frakklands.

Saksóknarar segja að í öðru bréfinu, sem Abdelhakim Dekhar skrifaði, hafi fordæmt fjölmiðlamisnotkun og kaptíalisma.

Hann var handtekinn í gær í kjölfar umfangsmikillar leitar.

Að sögn franskra yfirvalda var hann dæmdur í fangelsi árið 1998 vegna aðildar sinnar að skotárásum sem áttu sér stað í París. 

Þegar honum var sleppt fluttist hann til Bretlands þar sem hann bjó í nokkur ár. Hann flutti aftur í Frakklands í júlí að sögn yfirvalda. 

Leit að Dekhar stóð yfir í tvo daga. Hann fannst í kyrrstæðri bifreið í bílakjallara í gærkvöldi í kjölfar ábendingar sem barst lögreglu. 

Annað bréfanna sem Dekhar skrifaði fannst í bílnum við hlið hans. Þar koma m.a. lýsingar á því hvernig eigi að jarðsetja hann. Karlmaður sem hýsti Dekhar afhenti lögreglu svo annað bréf, að því er fram kemur á vef breska ríkisútvarpsins. 

Tengdar fréttir

Byssumaður í París

25 ár fyrir árásir á fjölmiðlafólk

• Dæmdur fyrir heimilisofbeldi
• Byssumaðurinn ákærður
• Í anda Bonnie og Clyde
• Byssumaðurinn nafngreindur

» Fleiri tengdar fréttir

• Blogga um frétt