Börn í Tacloban, borginni þar sem fellibylurinn Haiyan olli hvað mestri eyðileggingu, fengu í gær bólusetningu gegn mislingum og mænusótt. Þar með er fyrsti hluti bólusetningarherferðar á vegum filippseyskra stjórnvalda, Alþjóðaheilbrigðismálastofnunarinnar og UNICEF, hafinn. 

Bólusetningar eru mikilvægur hluti af neyðarhjálp UNICEF á svæðinu. Í herferðinni verða börnin jafnframt mæld og vigtuð til að greina hugsanleg tilfelli vannæringar og veita þeim börnum meðferð. Börnin fá líka skammt af A-vítamíni sem eflir ónæmiskerfi þeirra.

Samkvæmt upplýsingum frá UNICEF mun bólusetningarherferðin mun ná til yfir 30.000 barna og fer meðal annars fram í neyðarskýlum en er einnig sinnt af heilbrigðisstarfsfólki sem ferðast um svæðið. Í herferðinni nú er sérstök áhersla lögð á að ná til yngstu barnanna. 

Góður árangur í hjálparstarfinu

„Börnin hér þurfa alla þá vernd og aðstoð sem völ er á,“ segir Angela Kearney sérfræðingur UNICEF í neyðaraðgerðum á Filippseyjum. „Sjúkdómar eru þögul en hættuleg ógn við heilsu barna. Við vitum hvernig má koma í veg fyrir þá og gerum allt sem við getum til að vernda heilsu barna sem nú eiga um sárt að binda.“

Filipseyskt barn kveinkar sér undan mislingasprautu í íþróttamiðstöð í Tacloban. AFP

Tengdar fréttir

Fellibylur á Filippseyjum

Fann hundinn ári eftir fellibylinn

• Fundu ástina í skugga fellibylsins
• Líkunum ýtt út í sjóinn
• Vonum að þið hafið fundið fötin
• Fangarnir beðnir að snúa aftur

» Fleiri tengdar fréttir

• Blogga um frétt