Yfirvöld í Lærdal segja að rafmagn muni að öllum líkindum ekki komast aftur á bæinn í nótt í kjölfar eldsvoðans sem kviknaði í gærkvöldi. Íbúar sem urðu að rýma heimili sín fengu að fara til baka til að sækja eigur í fylgd lögreglu. Heimilidin var síðan afturkölluð í kvöld þar sem það fór að hvessa.

Alls urðu um 400 íbúar að rýma hús sín vegna brunans. Þrátt fyrir að slökkviliðsmenn hafi náð að ráða niðurlögum eldsins síðdegis í dag þá er hvasst í bænum og sú hætta er fyrir hendi að eldur blossi aftur upp.

Norsk stjórnvöld hafa lýst því yfir að þau muni aðstoða bæjaryfirvöld við uppbyggingarstarf í bænum. Lögreglan segir að 23 hús, þar af 16 heimili, hafi gjöreyðilagst í brunanum og fleiri hafa laskast. 

Mörg önnur bæjarfélög í Noregi hafa áhyggur af því að svona stórbruni geti komið upp hjá sér, enda gömul timburhús að finna víða í Noregi.

Mikil mildi þykir að enginn hafi látist í eldsvoðanum, en tæplega 100 voru fluttir á sjúkrahús til aðhlynningar. Flestir vegna reykeitrunar.

Frá brunanum í nótt. AFP

Tengdar fréttir

Eldsvoði í Lærdal

Egyptar kjósa sér forseta

• Ósáttir við vinnubrögð í Lærdal
• „Margir hefðu getað brunnið inni“
• Mótókrossmeistari missti allt sitt
• Eldurinn blossaði upp aftur

» Fleiri tengdar fréttir

• Blogga um frétt