„Ef eldurinn hefði kviknað síðar hefðu margir getað brunnið inni. Það var slembilukka að eldurinn kviknaði ekki seinna,“ segir Guttorm Gullaksen, slökkviliðsstjóri í Lærdal. 

„Ef eldurinn hefði komið upp seinna um kvöldið hefði slökkvilið og bæjarbúar verið í fasta svefni. Aðstæður hefðu verið þannig að eldurinn hefði uppgötvast síðar, svo seint að margir hefðu kannski ekki komist út. Slökkviliðið hefði komið seinna á staðinn, sem hefði líka verið til þess fallið að valda hörmungum,“ segir Gullkasen í viðtali við NRK.

Skelfileg sýn blasti við íbúum í Lærdal í Noregi þegar það fór að birta af degi í gær, en þá varð mönnum ljóst sú mikla eyðilegging sem varð í brunanum í nótt. Mörg hús gjöreyðilögðust í eldsvoðanum. Margir eru hins vegnar fegnir að elsti hluti bæjarins virðist hafa sloppið alveg.

Tilkynning um eldinn barst kl. 22:54 að staðartíma í fyrrakvöld. Íbúi segir í samtali við norska ríkisútvarpið að mönnum hafi verið afar brugðið. Hann segir að margir hafi haft áhyggjur af öryggi sínu, en í bænum liggja mörg timburhús þétt saman. Hins vegar hafi verið gripið til sérstakra eldvarnaráðstafana í gamla bænum í Lærdalseyri, sem er á heimsminjaskrá UNESCO.

Tengdar fréttir

Eldsvoði í Lærdal

Egyptar kjósa sér forseta

• Ósáttir við vinnubrögð í Lærdal
• Mótókrossmeistari missti allt sitt
• Eldurinn blossaði upp aftur
• „Við stólum hvert á annað“

» Fleiri tengdar fréttir

• Blogga um frétt