Lögregla rannsakar nú andlát leikarans Philips Seymours Hoffmans. Á fréttavef CNN er greint frá því að lögregla hafi fundið tæplega 50 umslög með efni sem talið er að sé heróín í íbúð leikarans. Leikarinn lést í gær 46 ára að aldri en hann fannst meðvitundarlaus í íbúð sinni með sprautunál í handleggnum.

Nokkrar notaðar sprautunálar, lyfseðilsskyld lyf og tómir pokar sem talið er að hafi innihaldið heróín fundust einnig íbúðinni. Hoffman verður krufinn í dag.

„Við erum niðurbrotin vegna andláts okkar elskaða Phils og þökkum ást og stuðning sem við höfum fengið frá öllum,“ segir í tilkynningu sem fjölskylda Hoffmans sendi frá sér. „Þetta er átakanlegur og skyndilegur missir og biðjum við ykkur að gefa okkur næði á þessum miklu sorgartímum.“

Umslögin, sem voru tæplega fimmtíu, voru öll merkt með spaðaás. Að sögn CCN fundust rúmlega 20 notaðar sprautunálar í plastglasi í íbúð leikarans.

Frétt mbl.is: Áratuga fíkn lauk með dauða

Tengdar fréttir

Philip Seymour Hoffman

Lyfjakokteill í blóði Hoffmans

• O'Donnel fær allar eignir Hoffmans
• Segist ekki ábyrgur fyrir dauða Hoffmans
• Útför Hoffmans í gær
• Birtist Hoffman í Hungurleikunum?

» Fleiri tengdar fréttir

• Blogga um frétt